Ulsteinvik bedehus inviterer til julefest Søndag 29.desember kl.17.00  i romjula.

I ei tid der det har minka med dei tradisjonelle julefestane, vil Ulsteinvik Indremisjon halde fram med denne samlinga. Vi får vere med på å synge dei kjende og kjære julesongane. Gang rundt juletreet er også på programmet. Ei god matøkt kan vi sjå fram til med prat rundt borda. For barna blir det  flydropp frå galleriet med papirfly. Andakta på julefesten i år blir halden av Reidar Almedal. Han er frå Ulsteinvik, men studerer no i Bergen. Frå Bergen kjem også songaren på julefesten. Anne Marthe Lillebø vil synge til oss. Vel møtt til julefest på søndagen i romjula. Sjå annonse i Vikebladet på julaftan.

                                Ulsteinvik Indremisjon