Gevinstliste frå basaren til inntekt for Ulsteinvik bedehus – 27.oktober 2018

Gevinst  1  – Ark nr.  6, lodd nr.12 – Stressless ​​          Georg Myrvågnes

Gevinst  2 –  Ark nr. 33, lodd nr. 6- Sagbord ​​               Ane Baade Hasund

Gevinst  3 – Ark nr.40, lodd nr.4 – Mugge med 4 skåler        Kjell Einar Ljones

Gevinst  4 –  Ark nr.23, lodd nr.23 – Steikepanne​​             Kari Gjerdsbakk

Gevinst  5 –  Ark nr.45, lodd nr.11 – Dobbelt sengesett          Anna Sivertstøl

Gevinst  6 – Ark nr.44, lodd 21  –     Keramisk kokkekniv        Marie Langnes

Gevinst 7  –  Ark nr.31, lodd 16   –  Gåvekort, Amfi​​           Ingunn Stensland

Gevinst 8  –  Ark nr.36, lodd nr.15 – Gåvekort, Amfi​​     Torbjørg og Per Inge Åmås

Gevinst 9  –  Ark nr.29, lodd nr. 3 – Krystallvase​​            Asbjørg Ulvund

Gevinst 10 – Ark nr.38, lodd nr.10 – Blomstervase.        ​​Johannes Davidsen

Gevinst 11 – Ark nr.2, lodd nr.7 – Gåvekort Match​​          Oddvin Holen

» Levande tru- Bibelen i livet» er eit opplegg med Bibelundervising i NLM Region Nordvest. Det vert undervist i ulike tema frå bøker/ brev i Bibelen, truslære, etikk etc.

Kvart tema går over nokre kveldar, kvar på omlag 1,5 time. Samlinga har ei enkel ramme, der tida vert nytta på undervising/ samtale, gjerne i samspel mellom forkynnar og forsamlinga.

Lars Kjetil Emblem besøkjer Ulsteinvik bedehus 6-8.11 og tek utgangspunkt i temaet: » Slik skal vi be». Alle kveldar er møta kl 19.30.

Det blir litt enkel servering ved borda, og misjonsgåve på kvar samling.

Kva er vel eit sikrare teikn på haust enn at det er tid for loddbøker og fargerike papirårer?! Kom innom bedehuset laurdag 27.oktober frå kl.17. Her blir det både kakesalg og mykje kjekt ein kan vinne. Basar er aktiviteten for alle, små som store. 

Denne basaren er ei viktig inntektskilde til vedlikehald og drift av bedehuset. Mange ønskjer å støtte bedehuset økonomisk, og mange har allereie gitt gevinstar og mange har kjøpt lodd på loddlistene som er sendt ut på førehand. Desse store gevinstane skal trekkast på basaren, og det blir nokre heldige vinnarar.

Bedehusforeninga er arrangør og er ein aktiv flokk damer som er med på å førebu basaren på ein praktisk og viktig måte. Dei sørger for mykje godt til kafé-salg, det blir gode og flotte kaker å få kjøpt, kaffi og saft og god tid til prat. Det sosiale er viktig på ein basar.

Marita Ulstein Stang vil ha ei familieandakt. Det blir stort åresalg og mange fine gevinstar. Velkomen!

Foto: Eivind J Lindtjørn/ NLM

Søndag 23.september er det Steinar Dimmen som er talar på søndagsmøtet vårt. Det blir også søndagskule.

På møtet får vi høyre litt frå arbeidet i Aust Afrika der NLM samarbeider med dei evangelisk lutherske kyrkjene i Kenya og Tanzania, samt at dei driv organisasjonen Scripture  Mission.

NLM starta arbeid i Mbulu (Dongobesh) i 1951 og i Mara i 1972. NLM sine misjonærer har oppgåver knytta til evangelisering, opplæring og helsearbeid. Misjonærene blir då del av kyrkja sitt ordinære arbeid og vert rekna på lik linje med nasjonale medarbeidarane.

Vel møtt alle !

Onsdag kl 19.30 får vi spennande besøk på bedehuset. Det er Norea Mediemisjon som kjem ved administrasjonsleiar Martin Birkedal og Nazih Omeish fra Midtøsten .

Sentralt i møtet blir nytt frå arbeidet i Midtøsten. Nazih blir tolka frå engelsk til norsk.

Vel møtt !

Då ynskjer vi alle velkomne til bedehuset søndag 26.8.

Per Ekelund blir med som talar. Han er pensjonist og reiser som fritidsforkynnar for NLM. Han har vore her fleire gongar før, og har mykje å dele frå Guds ord. Det blir også korte glimt frå arbeidet i Norge og det blir invitert til nattverd denne dagen.

Barnemøtet er ved Eli Beathe og Håvard. Vel møtt og inviter gjerne nokon med deg !

Talar som skulle vore på samlinga 3.juni har blitt sjukmeldt.  Så vart det avtalt at ein annan person skulle kome, men også denne har blitt sjuk.

Samlinga blir difor avlyst.

Det blir ei spennande møtehelg i Ulsteinvik bedehus, der temaet blir «Guds farshjerte» og «Åndens frukt» ved Øyvind Hofstad.
Han er ein av grunnleggarane av UNGDOM I OPPDRAG. Han var også saman med kona Kari med på å starte Familiefokus.

Øyvind Hofstad forkynner om vekst og utvikling i livet i Kristus.
Han har skrive fleire bøker, blant anna boka « Klar for dagen», og boka «Overleveringen» som handler om å videreføre arven til neste generasjon.

Bibelhelga starter fredag kveld. Då blir det lovsang leda av Stein Ove Thunheim. Ronald Øvrelid vil også delta denne helga.
Laurdag er det også møte, med samling i kjellaren på bedehuset med enkel servering etter møtet.
Søndag formiddag blir det også barnesamling.

Styret i Ulsteinvik indremisjon arrangerer bibelhelga og ønsker hjertelig velkommen til bibelhelg med Øyvind Hofstad.
Kom og høyr inspirerande forkynning og bli med på eitt eller fleire møte

Kvinne sikter mel. Foto. NLM/ Marius Bergesen

Søndag 11.mars er det Oscar Nordbø som talar på søndagsmøtet. Det er ikkje eige barnemøte denne dagen, så vi legg opp samlinga i storsalen for alle.

Vi får også høyre litt frå Indonesia, der NLM har eit variert arbeid. Mykje er retta mot barn; å forbetre oppveksvilkår og utdanning, opprette gode barneklubbar og lære opp nasjonale medarbeidarar i skule, søndagsskular og nærmiljø. Vi får høyre meir på møtet.

Samlinga vert avslutta med enkel servering.

Annonsert talar har meldt forfall av helsemessige grunnar, og det har ikkje lukkast å få ny talar som kan steppe inn på kort varsel.
Ønskjer du å delta på møte for Kristen Muslimmisjon, tilrår vi å ta turen til Leine bedehus. Peder Almedal talar der søndag kveld på møte som startar kl 1930.