Den kjende forkynnaren Gordon Tobiassen besøker Ulsteinvik komande helg 27-29 sept.. Møta startar opp på fredag kveld(kl. 19.00), held fram på laurdag ettermiddag(kl. 18.00) og endar med formiddagsmøte på søndag(kl.11.00). Både laurdag og søndag blir det servering. På formiddagsmøtet på søndag blir det nattverd og søndagskule. Sjå annonse lengre ned!

Gordon Tobiassen reiser i organisasjonen Ordet og Israel. Han er særleg kjend for si grundige undervisning om dei siste tider ut i frå Guds Ord. Denne helga vil han opplyse  om ut frå Bibelen om den aktuelle situasjonen Israel og Midt-Austen står framfor no. Gordon Tobiassen er ein framifrå taler med evne til å engasjere tilhøyrarane med bodskapen han ber fram.

Ulsteinvik Indremisjon ser fram til helga, og dei andre forsamlingane i byen er også invitert til å vere med. Vi ønsker alle vel møtt til Ulsteinvik bedehus.

                        Ulsteinvik Indremisjon

Formiddagstreff i Ulsteinvik bedehus – onsdag 4.september kl.11.00

Tale og song av Kari-Laila og Ove Aksnes

Servering. Utlodding

Torsdag 29.08 får vi besøk av Silje Berg Straume som talar på Ulsteinvik bedehuset. Ho er aktiv med i Ørsta Volda Misjonsforsamling og er ofte brukt som forkynnar. Til dagleg jobbar ho som sjukepleiar i Volda. Tidlegare har ho vore eittåring i Mongolia, og tilsett som barne og ungdomsarbeidar i regionen.Ho vil setje fokus på Misjonssambandet sitt arbeid i Sentral Asia. Dette er land og områder der det ikkje er lov å drive forkynning, men der misjonærane er knytt til ulike typar diakonalt arbeid. Det diakonale hjelpearbeidet vert sett stor pris på og har stor verdi for folket som får nytte av det. Dette er første av fire misjonsmøter denne hausten, der vi set fokus på misjonsarbeid i ulike land. Ynskjer du å høyre meir om dette misjonsarbeidet så er du hjarteleg velkomen til møta .

Vi ønsker velkommen til møte i Ulsteinvik bedehus – onsdag 31.juli kl.19.00.Vi får besøk av Ingbjørn Vingen frå Brattvåg. Han er frå Rogaland, men har budd mange år på Sunnmøre.

Kvar onsdag er det samling i Ulsteinvik bedehus denne sommaren.

Onsdag17.juli kl.19.00 kjem Ole Os på besøk. Han har vore forkynnar i Misjonssambandet, men er nok mest kjent frå barne – og ungdomsarbeidet iNLM.

Ole tar med seg gitaren på onsdag kveld, og vi kan glede oss tilgode evangeliske songar.

Det har vore godt frammøte på samlingane i sommar. Mange reiser nok bortpå ferie, men det er alltid nokre som er heime. Fleire får også besøkfrå andre stader i landet og utlandet.

Ta dei med til Ulsteinvik bedehus komande onsdag!

Også denne sommaren inviterer vi til sommarkveldar på Ulsteinvik bedehus annankvar onsdag.Komande onsdag 19. juni kl 19.00 er første samling med Reidar Røyset Almedal som taler! Han er for tida teologistudent hos NLA i Bergen! Det verte song og musikk og høve til å gi ei gåve til misjonen🙌Du er varmt velkommen til bedehuset denne kvelden❤️

3.-5.mai: Bibelhelg. Eivind Flå talar. Lys over land.

Fredag 3.mai kl.19.00: Sulagutane syng. Servering.

Laurdag 4.mai kl.19.00: Gro Hofseide syng. Servering.

Søndag 5.mai kl.19.00: Åse Muren og Sølvi Teige Sandanger syng.

Møte og bokpresentasjon med Ove Eikje.

Fredag 26.4 kl 19:00.

Tidlegare journalist Ove Eikje kjem for å tale og presentere boka «Da Gud grep inn».

Boka fortel om korleis Gud greip inn i livet til ulike personar. Ei interessant bok som har seld i stort opplag.

Velkomen.

Misjonssambandet.

Laurdag 23.mars kl.18.00: Edys Mission