Dei historiske bilda over viser oppstart av foreininga for 40 år sidan, samt årgangen frå 2002,- då dei runda 25 år i samling for misjonsarbeidet i Sør- Amerika. Kanskje det er nokon som kjenner seg igjen ?

Søndag 17 september inviterer foreininga til flott 40- års lag på Ulsteinvik bedehus kl 16.00.

Tale og misjonsglimt blir ved Solveig og Helge Hånes, samt ved svigerdotter deira, Rebeca Chamaco Hånes. Ho er sjølv frå Sør Amerika. Johannes F Davidsen tek del med flott musikk.

Det blir eige opplegg for barna og sjølvsagt rikeleg med kaffi og kaker.

Vel møtt du også og ta gjerne med deg nokon !

Søndag 14.mai vert det endring i møtet. Det blir Ole Audun Os som kjem på samlinga. Han er godt kjend på Sunnmøre etter mange reiseår i arbeid mellom barn og unge, men har også mykje å gi til den » eldre garde». Vi gler oss til å høyre han på nytt !

Det blir lynutlodding og enkel servering på samlinga og vi ynskjer at mange tek turen til bedehuset denne vårdagen !

ARR: Ulsteinvik indremisjon og NLM.

«Søndag 11» på Ulsteinvik bedehus førstkomane søndag, får mykje fint besøk. Barnekoret «Spirit» vil kome og glede alle som kjem, med fin og inspirerande sang og musikk. Vi gler oss til å høyre dei.

Sunnmøre Indremisjon si ungdomsavdeling,- Imf-ung, har mange unge og dyktige tilsette. Ei av dei «nyaste» på kontoret heiter Hilde Sofie Blindheim Østrem. Ho vil vere med på søndag og forkynneGuds Ord til oss. Ho vil også orientere og fortelje om leirarbeidog barne- og ungdomsarbeid.

Elles er det planlagt alle dei faste innslaga med, alt som høyrer med på ei «Søndag11-samling». Det blir servering av kaffi/saft og kaker og frukt. Det blir forbønn og «bønnekrukka» og det blir samla inn kollekt til Sunnmøre Indremisjon.

Vel møtt! Arrangør: Ulstein Indremisjon/NLM

Frå skjærtorsdag til og med første påskedag blir det arrangert påskemøter i Ulsteinvik bedehus.

ARILD OVE HALÅS blir med som talar. Han er leiar for Nordmøre og Romsdal Indremisjon. Han har også vore ein del på Sunnmøre. Han er ein forkynnar som har mykje å gi, og tema for påskemøta er : » Korsets mysterium»

På skjærtorsdag blir songaren og musikaren TOR RØDSETH frå Sula med. Han deltek med sjølvskrivne songar som har ein fin bodskap. Tor Rødseth har reist rundt som songar i mange år, og har gitt ut fleire CDar. Han er ofte med i nærradioprogram. Mange gler seg til å høyre han.

Påskemøta er lagt opp som to bibeltimar kvar kveld, med pause og tid til kaffi og enkel servering mellom samlingane.

Sunnmøre Indremisjon og styret for Ulsteinvik Indremisjon ønsker vel møtt til samlingar om Guds Ord i påska. Vel møtt frå heile søre Sunnmøre!

Denne gongen er det Olaug Bjørke, opprinnelig frå Gjerdsvika, som er gjest på formiddagstreffet på Ulsteinvik bedehus onsdag 29.mars kl.11. Formiddagstreffa på bedehuset er veldig gode samlingar som blir arrangert nokre gongar i året. Denne samlinga er den andre i 2017.

Det blir mykje sang og musikk, og forkynning til glede og oppmuntring. Olaug vil tale Guds ord, fortelje frå arbeidet som organisasjonen » Åpne dører» driv, og Olaug vil synge mykje og spele piano.

Det blir god tid til kaffipause og lynlodd. Denne gongen går inntekta til » Åpne dører» og støtte  til kristne flyktningar i Midt-Austen. 

Vi håper mange vil sette av formiddagen og delta på formiddagstreff på bedehuset. Vi ønsker varmt velkommen alle som har tid og lyst til å kome innom!

Arr: Styret i Ulsteinvik Indremisjon

http://radiosunnmore.no/program/apne-dorer/

Kristen Muslimmisjon har planlagt to møte til på bedehuset våren 2017.

Møta er 20. april og 1. juni.

Det er Håkon Frøystad og Egil Sæther som har lova å kome på begge desse møta.  Egil Sæther var tidlegare kretssekretær i Møre og Romsdal.  Kristen Muslimmisjon er danna som følgje av eit kall Otto Torvik frå vårt fylke hadde tidleg på 1900-talet for å nå muhammedanarane med evangeliet.  Det er dette arbeidet vi også får stå i fortsatt i India, Indonesia, Israel, Senegal og Norge.  Håkon og Egil syng også i lag.  Hjerteleg velkomen til kvar og ein.

Oversikt over alle møte for Kristen Muslimmisjon finn de på www.kmmisjon.no/moter .

Søndag 2.april er det Lars Kjetil Emblem som vert med som talar på møtet. Han har reist som forkynnar i Misjonsssambandet mest heile sitt vaksne liv. Han deler året med reiseverksemd i vinterhalvåret og langtransportsjåfør andre halvdel. Lars Kjetil har vore her mange gongar før, og har mykje å dele med oss.

På samlinga vert det vanleg barnemøte i peisestova, misjonsglimt frå arbeidet i Sør- Amerika, og fellesskap omkring kaffibordet til slutt.

Alle vel møtt !

Foto: Hallgeir Vågenes, VG                                 Hus på påler. Foto: Kristoffer Krohn Sævre, NLM                 

Første helga i mars blir Solveig Bartun Rob med på møter i distriktet vårt. Laurdag er ho på damedag på Rjånes ungddomssenter, og søndag er ho talar på » Søndag 11″ på bedehuset.

Solveig har arbeidd i NLM i 23 år som barne og ungdomsarbeidar og også vore tilknytt Salem nærmiljøsenter. Gjennom fleire år har ho slite med psykisk sjukdom, angst og depresjon. No brukar ho erfaringane sine frå sjukdomsperiodar til å hjelpe andre og gi håp.

Solveig har utdanning i kommunikasjon og livssyn frå Gimlekollen mediehøgskule, er skribent og held føredrag omkring i landet. Ho er tilsett i Helse Bergen ved Kronstad DPS som erfaringskonsulent. Vi gler oss til å høyre Solveig !

Misjonsland i mars er Indonesia, og det blir korte glimt derifrå. For barna er det eige møte i peisestova, og samlinga vert avslutta som vanleg med enkel servering.

Vel møtt alle ! 

Steffen Stensland. Foto: NLM/ Bård Kristian Bøe

Komande søndag er det Steffen Stensland som er talar på møtet. Han er frå  Fogn i Ryfylket, men bur no i Ulstein saman med kone og barn. Han har mastergrad i teologi fra Fjellhaug internasjonale høgskole og arbeider no i kombinert stilling i Region Nordvest for NLM som områdearbeider på Sunnmøre og som fellesskapsutviklar i regionen. Vi gler oss til møte med han.

Misjonsvinduet vender seg mot Mongolia og vi får siste nytt frå arbeidet der.

Det blir som vanleg eige barnemøte i peisestova og samlinga vert avslutta med enkel servering. Alle vel møtt !