Ulsteinvik bedehus får besøk av Olaug Bjørke, som representerer ”Åpne Dører” torsdag 14.april kl.11.

Ho vil vere gjesten på torsdagstreffet denne gongen. Olaug er eit stort sang og musikktalent, og vil bidra med fin sang og musikk. Ho vil også fortelle om arbeidet som Åpne Dører gjerfor dei kristne som er på flukt pga borgerkrigen i Syria.

Det blir også andakt, og vi håper mange vil vere med og støtte dette viktige arbeidet med å kjøpe lodd!

Det blir salg av lynlodd, kaffipause og god tid til prat rundt småbord!

Ulsteinvik bedehus er plassen for alle som har ledig tid på einformiddag, og som vil støtte eit utrulig viktig og aktuelt arbeid, det er stor, stor nød vi blir minna om, vårt bidrag kan hjelpe nokon. Ver med å støtte ”Åpne Dører” sitt arbeid!

Vel møtt til torsdagstreff!                                   Arr. Ulsteinvik Indremisjon

Per Ekelund er talar på møtet 17.april. Han har arbeidd innafor høgskulesektoren storparten av sitt vaksne liv. No er han pensjonist og tek på seg ein del oppdrag som forkynnar i fritida si. Han har vore på bedehuset før og har mykje å gi frå Guds ord.

Barnemøtet blir ved Marit og Ståle.

Vi opnar misjonsvinduet mot Sør-Amerika denne gongen. Der har NLM arbeid i Bolivia og Peru. Sjølv om dei fleste i desse landa reknar seg som katolikkar, er det få som kjenner Jesus som sin frelsar. Folketru, tilbeding av Moder Jord, helgen- og fedredyrking er svært utbreidd. I tillegg har aukande materialisme og nye religiøse retningar prega samfunnet dei siste tiåra.

NLM er engasjert i bibelundervising, leiaropplæring, rådgjeving til kyrkjer og undervising ved det teologiske seminaret Setela. NLM samarbeider med kyrkjene om eit allsidig barne- og ungdomsarbeid både knytt til kyrkjelydar, men også via leirstader, og støttar drift av fleire skular, barnehagar og internat for skuleelevar. Misjonen ynskjer å vise kva Guds ord seier om at kvar enkelt er kjent og elska av Jesus og har ein plass i hans rike.

Samlinga vert som vanleg avslutta med enkel servering i storsalen. Vel møtt  DU også til ein vårsøndag på bedehuset !

      Søndag 20.mars er det nytt » Søndag 11″ på bedehuset med påskebodskapen i sentrum for både tale og songar. Lars Kjetil Emblem kjem som talar og det vert som vanleg barnemøte i peisestova. Denne søndagen vert det også nattverd.

Misjonsvinduet vender seg denne gongen mot Indonesia. Indonesia har stor andel av muslimsk befolkning og mange av folkegruppene i landet har aldri høyrt Guds namn. NLM har arbeidd i Indonesia sidan 1975. Arbeidsoppgåvene er ulike typer bistand, der ein arbeider tett med lokalsamfunn og andre hjelpeorganisasjonar for å betre menneske sine liv og utsikter om ei betre framtid. Slik kan utsendingane vitne om Guds kjærleik gjennom måten dei lever og arbeider på. Samstundes ynskjer NLM å styrkje dei lokale kristne og motivere til misjon. NLM har eit godt  og nært samarbeid med lokale kyrkjesamfunn og høgskular. På møtet søndag får vi vite litt meir om arbeidet i Indonesia pr. d.d.

Vel møtt alle til ein fin påskesøndag på bedehuset !

Det blir møter i Ulsteinvik bedehus denne veka med tema » PÅSKE «.

Talar på møta blir forkynnar Leif Nesheim. Han har vore i Ulsteinvik tidlegare, han kjem frå Bergen og har lang fartstid som forkynnar og sanger i Indremisjonsforbundet.I år er påska tidleg, påskefeiringa nærmar seg og det blir fint å lytte til forkynning og sang  som har påskebudskapet i fokus.

Møta blir kvar kveld frå torsdag til søndag. På laurdag blir også Solfrid Ulstein Rise med og syng, og det blir kaffi og noko å bite i etter møtet.

Komande søndag blir Jan Magnus Dybvik med som talar på søndagsmøtet. Han har arbeidd mange år i Vestafrika, både i Elfenbeinskysten og i Mali. No bur han i Norge, og reiser som fritidsforkynnar for NLM. Han har mange erfaringar å dele med oss.

Samlinga har som vanleg møte for barna i peisestova, og avslutning med felles kaffibord.

Alle vel møtt !

Ulsteinvik Misjonslag NLM ynskjer velkomen til årsmøte. Andakt ved Steinar Dimmen. Årsmøtesaker og misjonsgåve. 

Denne veka er avgangselevar ved Vestborg vidaregåande skule på turne i fylket og i Nordfjord. Turneen vert arrangert i godt samarbeid med regionkontoret for NLM.

2 av russen ( Maria og Iselin, nr 1 og 4 frå venstre på bildet) var i Tanzania i november for å bli betre kjend med land, kultur og dei ulike arbeidsoppgåvene NLM har i landet. No vil russen vere med å samle inn pengar til noko av dette. Kvar gruppe har med seg ein talar og vil besøkje skular, bedehus og forsamlingar. På møta tek russen del med møteleiing, opning og informasjon om Vestborg og prosjekta i Tanzania.

Ole Audun Os er med som talar i den gruppa som kjem til Ulsteinvik bedehus. Han er godt kjend i området frå før. Vi gler oss til besøk- både av Ole og av russen og håper at mange kjem på møtet denne laurdagskvelden.

Arr: Vestborg vg skule og NLM Nordvest.

Det er snart klart for julefeiring og mykje står på programmet for dei aller fleste. Julefest i romjula er ein god tradisjon å ta vare på!

Bedehuset i Ulsteinvik inviterer store og små til å delta på årets julefest 29.desember kl.17.

Ein dyktig komite er i gang for å gjere festen og programmet så godt og innhaldsrikt som mulig. Du kan føle deg heilt sikker på at det er verdt å sette av ein kveld i romjula til å delta på bedehuset sin julefest.

Årets taler blir Hilde Giske Lukkedal, tidlegare barnesekretær i Sunnmøre Indremisjon og no styrer på Brusdalsheimen. Ho har lang fartstid med julefestar og gler seg til å kome til Ulsteinvik. Det blir mykje sang og musikk, i tillegg til julesanger for alle og gang rundt juletreet. Oline Sæverud Aksnes vil delta med sang. Synge vil også to utflytta Ulstein-damer: Brynhild og Ingvild Ulstein som no bur i Rogaland! Unge Samuel Fiskerstrand vil opptre med sitt «blåseinstrument», og han vil også sørge for fine juletoner.

God tid til mat og prat blir det i år også, og det blir dekka koldtbord i matsalen, og det blir nok fullt både oppe og nede. Mykje godt blir sett fram, og noko for både barn og vaksne. Litervis med kaffi gjekk unna i fjor, så komiteen er klar for stort innrykk.

Det koster ikkje noko å delta, men alle kan vere med å gi ei gåve til misjonen, som blir både til Misjonssambandet og Sunnmøre Indremisjon.

Hjertelig velkommen store og små!

4 handdukar                                        Kjersti Sundal
Pikniksekk                                            Ingeborg Dyrhaug Hatløy
Gavekort, Pernilles Clinique               Trond Ellingsen
Spisebordduk                                       Gunn Hofseth
Dokke med garderobe                         Marit og Kåre Haddal
Steikepanne                                          Hildegerd Dragnes
Brudevollmør                                       Svein Rødseth
Bibel                                                       Perdy Ringstad
Gavekort, Match                                   Borghild Kaldhol
Krystallbolle                                          Åge Nystøl
Rosendal tallerk                                    Bjørg Sætre

Rett trekning: Dagny Davidsen, Oddbjørn Ringstad og Ståle Tønnesen

Så var adventstida her, med korte dagar, men med forventningar fram mot ei ny julehøgtid.     Vi inviterer deg til samling den 2.søndag i advent. Det blir siste » Søndag 11″  i dette året.

Talar på møtet er Oscar Nordbø, og vi får høyre nytt frå arbeidet i Kinaregionen. NLM starta arbeidet i Kina i 1891. I denne delen av Asia har NLM arbeid i Kina, Hong Kong, Macao og Taiwan. Nasjonale kyrkjer er etablert og NLM sine utsendingar er ein del av dette arbeidet.

Det blir både barnemøte og nattverd denne søndagen. Inviter nokon med deg og kom !