Torsdag 16.april kl 11.00

Solfrid Ulstein Rise besøker oss!

Kaffipause med lynlodd. Andakt,sang og musikk av Solfrid.

HJERTELIG VELKOMMEN!

No nærmar det seg raskt påske og då blir det fleire ulike møter på bedehuset. Fyrst i rekka er » «Søndag 11», palmesøndag. Då er det barnemøte ved Eli Beate og Håvard Ringstad og tale for dei vaksne ved Inge Ulstein. Songar og innhald elles ber preg av påskebodskapen, anten det er for ung eller eldre.

Misjonsinformasjon denne gongen er frå Etiopia, eit land Misjonssambandet har hatt arbeid i sidan 1948. NLM arbeider tett med den lokale Mekane Yesus-kyrkja ( EECMY) for å nå dei minst nådde folkegruppene i landet. Kyrkja veks raskt i medlemstal og har ei stor utfordring i å få utdanna evangelister, teologer og prester nok. NLM er engasjert i utdanning ved bibelskular og teologiske institusjonar.

Tre onsdagar i mars får Ulsteinvik Bedehus besøk av Ole Audun Os frå Misjonssambandet.  Os har vore forkynnar, og ikkje minst ungdomsarbeidar, heile sitt vaksne liv her i fylket. Mange kjenner han frå leirar og korhelger på Rjånes Ungdomssenter.

No inviterer Misjonssambandet i Ulsteinvik til nokre kveldar med overskrift «LEVANDE TRU».  Ei av foreningane har ansvaret, dei inviterer til kveldsmat og legg til rette for spørsmål og samtale.

– Kva er det du har tenkt å ta opp, Ole Os?

– Eg har ikkje alt klart, kanskje må noko bli til undervegs.  Men eg vil begynne med eit tema eg har kalla «Når livet blir vanskeleg».  Då skal vi lese ein del frå Jobs bok, ei svært ærleg bok i Bibelen.

– Eit krevande tema?

– Ja, eg kjenner meg så klart liten med eit sånt tema.  Men vi ønskjer at menneske skal møte det livsnære og ærlege på bedehuset.  Og at det skal vere rom for å undre seg og oppdage ting i fellesskap.  Eg blir aldri ferdig med å forundre meg over Bibelen.

Det første besøket blir onsdag 4. mars kl.19 (merk tida!). Velkomen!

Ulsteinvik Misjonslag NLM ynskjer velkomen til årsmøte. Andakt ved Steinar Dimmen. Årsmøtesaker og misjonsgåve.

Vel møtt !

Annbjørn Walderhaug kjem til Ulsteinvik for å delta på formiddagstreff torsdag 12.februar.

Samlinga skal vere i Ulsteinvik bedehus, og det blir mykje glad, flott sang og piano-musikk denne formiddagen.

Annbjørn Walderhaug er kjend for veldig mange, og han har alltid svært god og aktuell forkynning. Han har ei sjelden fin og fyldig songstemme, som han bruker til å prise Gud medan han trakterer pianotangentane på best tenkeleg måte!! Vi gler oss til å få denne gjesten på besøk. På tidlegare treff, har han også teke fram sin gode sans for humor og servert av dei gode historiene han har på lager!

På torsdag formiddag blir det utloddning i kaffipausen, til inntekt for vedlikehaldsarbeidet på bedehuset.

Vi håper at mange har tid og lyst til å sette av formiddagen og alle er hjertelig velkommen til bedehuset!

Arr: Ulsteinvik Indremisjon

Søndag 1. februar er det nytt « Søndag 11» på bedehuset. Per Helge Myren blir med som talar på møtet. Han har vore her mange gongar før, både på bedehuset og ikkje minst i Tryggheim barnehage. I unge år var han og familien i Afrika, som utsendingar for NLM, og no er dotter med familie utsendingar i Etiopia. Ringen er på ein måte slutta.

På møtet søndag får vi også korte glimt frå arbeidet i Etiopia, og frå dei oppgåver Ragnhild og Temesgen har der. Ragnhild er utdanna sjukepleiar, Temesgen er teolog.

Etiopia ligg på Afrikas horn og grenser mot Somalia, Eritrea, Sudan og Kenya. Landet er over tre gongar så stort som Norge og busett av over 80 millionar menneske. Det er mange ulike etniske grupper og det er 85 ulike språk i landet. NLM starta arbeid i Etiopia i 1948. I dag prioriterer ein arbeid mellom dei minst nådde folkegruppene i landet, samt engasjement i utdanning ved bibelskular og teologiske seminar. NLM ynskjer også å hjelpe heile mennesket, og er engasjert i landsbyutvikling, utdanning og helsearbeid, i godt samarbeid med lokale kyrkjelydar og styresmakter.

Under talen vert det som vanleg barnemøte for dei yngste, og samlinga vert avslutta med enkel servering. Vel møtt alle !

Denne veka er avgangselevar ved Vestborg vidaregåande skule på turne i fylket og i Nordfjord. Turneen vert arrangert i godt samarbeid med regionkontoret for NLM. På vegne av Vestborg-russen er russepresident Peter Hesthaug ( midt i bildet) hovudkoordinator. Han fortel om høge forventningar til veka.

« Dei som har vore russ tidlegare har kome oppglødd attende etter turneen, og no er det endeleg vår tur. Vi har gledd oss til dette lenge», seier han.

-Kva er konseptet ? « Vestborg-russen har blitt delt inn i grupper som skal reise rundt for å halde møter i ulike bygder. Kvar gruppe har med seg ein talar. På møta skal russen ta del med møteleiing, opning og informasjon om Vestborg. Nokre av gruppene vil også bidra med song og musikk. Dessutan skal vi samle inn pengar til russeprosjektet vårt i Japan. »

-Kva forventingar har dokke ? « Det skal bli kjekt å bli kjend med personar som ein ikkje kjenner frå før, men eg trur det også skal bli kjekt å bli endå betre kjend med dei som ein er på gruppe saman med. »

Gruppa som kjem til Ulsteinvik har med seg Mangor Harestad som talar. Russen har kveldsmøte på Ulsteinvik bedehus 17.1 og tek del på « Søndag 11» den 18.1. Søndagsmøtet blir som vanleg med eige barnemøte under talen og avslutta med enkel mat og kaffi.

Ver med og støtt misjonsprosjektet og kom på møta du også !.

Arr: Vestborg vg. skulel og NLM.

Velkomen til adventsfest søndag 30.november kl.17

• Adventsinnslag
• Hareid musikklag
• Tale ved Kåre Lid
• Misjonsglimt
• Misjonsgåve og enkel servering
  

Alle vel møtt!

Tysdag 25., onsdag 26. og fredag 28.november vert det møte på bedehuset kl.19.30

Temaet for møta blir: « Salmane – Å tale sant om livet».

Med Levande tru samlingane ynskjer ein å gå litt meir i djupna på det bibelske stoffet enn ein gjer på eit vanleg møte. Denne gongen er Salmane vi skal sjå nærmare på.

”Da alt raknet i mitt trosliv, var Bibelens salmer det eneste jeg maktet å holde fast i. Alt annet ble ubrukelig.” skriv Vårt Land-journalist Erling Rimehaug. Og han legg til at dette er det ikke berre han som har erfart. Dette er kyrkja si er erfaring. Kvifor er akkurat desse bibelske tekstane, Salmane, så meiningsfulle til alle tider?

Saman skal vi prøve å nærme oss nokre av dei. Er der noko eg kjenner meg att i, noko som kan tale til meg der eg er i livet? Gjennom undervisning og samtale vonar vi at desse samlingane skal vere til oppmuntring og hjelp.

Det blir ei uformell ramme, med enkel servering, så ein kan la samtalen gå ved borda.

Alle vel møtt !

Arr: Ulsteinvik Misjonslag NLM.

Komande søndag er det igjen « Søndag 11» på Ulsteinvik bedehus. Per Helge Myren blir med som talar på møtet. Han har vore her mange gongar før, både på bedehuset og ikkje minst i Tryggheim barnehage, i samband med drift av NLM-barnehagane. I unge år var han og familien i Afrika, som utsendingar for NLM, og no er dotter med familie utsendingar i Etiopia. Ringen er på ein måte slutta.

På møtet søndag får vi også korte glimt frå arbeidet i Peru der NLM starta arbeid i 1978 og nokre av dei fyrste utsendingane var frå vårt fylke. Som eit resultat av arbeidet har ei evangelisk kyrkje blitt etablert, og den har no om lag 30 kyrkjelydar ulike stader i det sørlege Peru. Kyrkja eig og driv også 4 barneskular og nokre barnehagar. Peru er eit av dei landa med minst evangelisk kristen i Sør- Amerika, og katolsk folkereligiøsitet blanda med gamal folketru, har eit sterkt grep om folk. Satsingsområda for NLM i dag er leiaropplæring, bibelundervising, litteratur- og radioarbeid, men også bistandsarbeid knytt til helse og jordbruk. Ein ynskjer å hjelpe folket i Peru både med helse og frelse.

Under talen vert det som vanleg barnemøte for dei yngste, og samlinga vert avslutta med enkel servering. Vel møtt alle !

Arr: Ulsteinvik Indremisjon og Ulsteinvik Misjonslag NLM.