Grunna sjukdom hos talaren må vi endre programmet i Ulsteinvik bedehus
til komande helg, 9.-11.september:
Fredag 9.september kl.19.30:
Tale av Kari Ristesund. Song av Linda og Paul Arne Ulstein.
Laurdag 10.september kl.18.00:
Tale av Egil Straume. Song av Gro Hofseide. Servering.
Søndag 11.september kl.11.00:
Tale av Solfrid Ulstein Riise. Servering. Søndagskule. Nattverd.
Den første onsdagen i kvar månad denne hausten blir det formiddagstreff i Ulsteinvik bedehus. På formiddagstreffa er det andakt, song, utlodding og servering. Dei startar alltid kl.11.00.
Onsdag 7.september får vi besøk av Johanne Leinebø. Ho er frå Herøy, men har i mange år vore misjonær på Madagaskar. Dei siste åra har ho særleg arbeidd med omsetting av bøkene i Bibelen til ulike stammespråk på den fjerde støste øya i verda. Inntekta av utloddinga denne formiddagen går til dette omsettingsarbeidet. Det vil også bli trekking av eit maleri av Roy Andre Dahl til inntekt for bedehuset i Ulsteinvik.
Onsdag 5.oktober kjem Monica og Hallvard Roaldsnes til Ulsteinvik. Dei både syng og talar. I mange år har dei vore engasjert i Israelsmisjonen sitt arbeid, og dei vil fortelje om organisasjonen sitt arbeid både i tidlegare tider og i tida framover.
Onsdag 2.november vil Aud og Johan Halsne delta på formiddagstreffet. Aud er leiar i Plussreiser, og ho vil informere om nye reiser som er planlagd framover.Johan er krinsleiar i IMF- Sunnmøre, og han vil tale til oss. Vi kan glede oss til vakker duettsong av desse to denne novemberdagen.
Onsdag 7.desember kjem Kari Laila og Ove Aksnes. Denne formiddagen vil vere prega av at det er adventstid, og gjennom forkynning og song vil dei førebu oss til den store høgtida som ventar oss.
Mathias Orheim- kveld i Ulsteinvik bedehus.
Komande laurdag, 3. september ønsker Ulsteinvik bedehus velkommen til Mathias Orheim-kveld. Denne laurdagen kl.18.00 vil Solveig Orheim Nome synge og fortelje om Mathias Orheim. Ho vaks opp på nabogarden til Orheim, og hugsar han godt frå barndommen sin. Kari Laila Aksnes vil også delta denne kvelden. Ho er kjend for si mørke og vakre altstemme. Det blir også servering denne kvelden i bedehuset.
Mathias Orheim var frå Stårheim i Nordfjord. Då han var seksten år gammal, blei han ein kristen. Han reiste i mange år som forkynnar, musikar og songar. Allereide i ungdomsåra blei han blind. Dette hindra han likevel ikkje frå å reise som predikant og songar. Han spela mellom anna på glas. Frå ei bygd blir det fortalt at straumen blei borte under møtet ein vinterkveld, men Orheim berre held fram med songen og spelet på glasa sine. Forkynninga hans var evangelisk, og han tala på nynorsk prega av den vakre dialekten frå Nordfjord. Songskatten frå Orheim finn vi både i salmeboka og i sangboken.
Sjå annonse i Vikebladet komande fredag.
Ny møteoversikt for hausten 2022 er tilgjengeleg. Sjå fanen møteoversikt under Meny.
Vi inviterer til møte i Ulsteinvik bedehus, torsdag 18.august – fredag
19.august, begge kveldar kl.19.30.
Desse dagane får vi besøk av Edvard Foss frå Lyngdal på Sørlandet. Han
har i fleire år reist som forkynnar. Han er også lærar på bibelskulen på
Bildøy. Denne gongen har han vald tekstar frå Efesarbrevet 1. Temaet er:
Å, kor rik eg er!
Hareid musikklag og Iver Olaf Grimstad vil synge på møta.
Det vil bli høve til å gi ei gåve til Indremisjonsforbundet sitt arbeid
i Finnmark.
I disse dager(tirsdag 5 juli- søndag 10 juli) er det generalforsamling for Misjonsambandet (https://nlmgf.no/). En god del av møtene og konsertene kan en se live på https://live.nlm.no/
Komande onsdag, 6.juli kl.19.30 er det ny sommarkveld i Ulsteinvik
bedehus. Denne gongen får vi besøk av Ingbjørn Vingen frå Brattvåg. Han
har tema Jesu yppersteprestbøn. Denne kvelden blir det også song av
Linda og Paul Arne Ulstein.
Vel møtt!
Sommaren i Ulsteinvik bedehus.
I morgon, onsdag 22.juni kl.19.30 startar sommarkveldane opp i
Ulsteinvik bedehus. Sjølv om Per Sævik har det travelt med å få ferdig
arbeidet med skipa til kystruten, tar han seg tid til å vere forkynnar
også. Han skal tale på samlinga i morgon kveld, og vi får song av
søstrene Anne Marte og Cecilie Lillebø.
Seinare i sommar, onsdag 6.juli får vi besøk av Ingebjørn Vingen. Han
bur i Brattvåg, men er opprinneleg frå Rogaland. Onsdag 20.juli får vi
besøk av Reidar Almedal. Han er her frå Ulsteinvik, men studerer no i
Bergen. 3.august får vi besøk av Eggil Straume frå Volda.
På dei andre onsdagane i sommar er det samling om bibel og bønn. Vi
samtalar om tekstar frå Johannesevangeliet og bed for dei ulike
bønneemne som blir nemt.
Vi skal også ha eit formiddagsmøte, søndag 3.juli kl.11.00. Det er Lys
over land som arrangerer møtet.
Laurdag 11.august kl.18.00 får vi besøk av Misjon Sarepta. Hans Bergane
både talar og syng denne kvelden.
Vel møtt alle til sommarsamlingane i år!
Ny møteoversikt for sommar 2022 er tilgjengeleg. Sjå link over.
1.pinsedag – søndag 5.juni kl.19.00 får Ulsteinvik besøk av Elieser.
Båten frå Den Indre Sjømannsmisjon reiser langs heile kysten med
evangeliet. Mannskapet ombord på Elieser vil forkynne evangeliet og
synge bodskapen om Jesus. Servering blir det også denne pinsedagskvelden.
2.pinsedag – måndag 6.juni kl.11.00 blir det samling i Ulsteinvik
bedehus. Vi får besøk av Kjell Furnes som i høg alder auser frå kjeldene
i Guds Ord. Under talen til Kjell blir det søndagskulesamling i
peisestua i kjellaren leia av Silje og Per Ivar Meinset. Det blir også
nattverd på dette formiddagsmøtet. Samlinga blir avslutta med servering.
Vel møtt i pinsa!